ئەمریکا لە ڕێگەی محەمەد شیاع سودانی و قاسم ئەعرەجییەوە هۆشداری داوەتە گروپەکانی حەشدی شەعبی و ئەگەری بەهێز هەیە تا ١٠ ی ئەم مانگە هێرشێکی بەرفراوان بکرێتە سەر بنکەو بارەگاکانی حەشدی شەعبی لە چەند ناوچەیەکی عيراق و سنوری سوریا. محەمەد شیاع سودانی سەرۆکوەزیران و قاسم ئەعرەجی ڕاوێژکاری ئاسایشی نیشتمانی پەیامی ئەمریکییەکانیان گەیاندووە بە سەرکردەکانی حەشدی شەعبی و پێیان ڕاگەیاندوون کە ئەمریکا نیگەرانە لە هەندێک جموجوڵ و هەوڵی دەستوەردانی حەشدی شەعبی لە دۆخی سوریا و پەیوەندییان لەگەڵ هەندێک گروپی سنوری لازقیە، لە بەرامبەردا هۆشداریی ئەوەیان داوە کە ئەمریکا هێرشی توند دەکاتە سەر گروپەکانی حەشدی شەعبی .
لە وەڵامی هۆشداریەکەی ئەمریکییەکاندا سەرکردەکانی حەشدی شەعبی بە توندی وەڵامی ئەمریکییەکانیان داوەتەوە و بە محەمەد شیاع سودانیان وتوە هەر هێرشێکی ئەمریکا بۆ سەر بنکە و بارەگاکانیان بێ وەڵام نابێت و دەستکراوە دەبن بۆ لێدان لە بنکە و سەربازگەی ئەمریکییەکان لە عێراق. هەروەها سەردانی لەناکاوی ئیسماعیل قائانی فەرماندەی فەیلەقی قودس بۆ بەغداد پەیوەستە بە هەڕەشەکانی ئەمریکا و تاوتوێکردنی هەر ئەگەرێک کە ڕووبدات و چۆنیەتی وەڵامدانەوەی لەلایەن حەشدی شەعبی و گرووپەکانی نزیک لە ئێرانەوە.
وەڵام بدەوه