دهسهڵاتدارانى نوێی سووریا سوپاسی سهرۆك بارزانى دهكهن و پهیامێك ئاراستهى عێراق و ههرێمی كوردستان دهكهن
لیژنەی دانوستانکاری هێزەکانی شۆڕش و ئۆپۆزسیۆنی سووریا، ڕاگهیاندراوێك ئاراستەی حکوومەتی عێراق و حکوومەتی ههرێمى کوردستانی عێراق، دهكات.
له ڕاگهیاندراوهكهدا هاتووه: "لەم کاتە سەختانەدا ڕوو لە گەل و حکوومەتی عێراق دەکەین، بۆ ئەوەی دووپاتی بکەینەوە کە شۆڕشی سووریا و ئەو ئۆپەراسیۆنە سەربازییانەی کە لە لایەن دژبەرانی ڕووخاندنی ڕژێمی ئەسەدەوە دەستیان پێکردووە، هیچ زیان و کێشەیەک بۆ عێراقی خۆشەویستمان ناگەیەنێت، کە ئێمە بە برایەکی دوانەی سووریای دەزانین، هاوبەشێک لە کاتە خۆش و ناخۆشەکاندا، هەروەها هاوبەشێکە لە چاوەڕوانی داهاتوویەکی باشتر و سەقامگیری زیاتر".
ئاماژه بهوهش دراوه، كه چاویان لە پەیوەندییەکی باش و ئەرێنییه لەگەڵ عێراقدا، "هاوبەشی و بەرژەوەندییەکان، مێژوو و هیواکانی نێوان ئەم دوو وڵاتە زۆرن و ناتوانرێت هەژمار بکرێت بۆ دەستەبەرکردن و سەقامگیرکردنی ئاسایش و بڵاوکردنەوەی ئاشتی لە هەموو ڕۆژهەڵاتی ناوەڕاستدا".
له ڕاگهیاندراوهكهدا ڕوو له ههرێمی كوردستان دهكهن و دهڵێن: "سوپاسی براکانمان دەکەین لە هەرێمی کوردستانی عێراق له پێشهوهى ههمووان سهرۆك مەسعود بارزانی. كه وەک ئەوەی پرسی خۆى بێت مامەڵەی لەگەڵ پرسی سووریا کرد و پشتیوانییەکەی بۆ مافەکانی گەلی سووریا کاریگەرییەکی گەورەی هەبوو کە ناتوانرێت چاوپۆشی لێبکرێت".
ئێمە ئاماژە بەوە دەکەین کە برا و بنەماڵە سوورییەکانمان کە ئێستا لە ناوچەی کوردستانی عێراقن بەتایبەتی، ئێستا لە پەنابەر و هەڵاتووانی توندوتیژیی ڕژێمەوە بوونەتە میوانی برایانی ناوچەکە، ئەمەش لە سایەی خەباتەکانی سوریاییە کە خەڵک و ئازایەتی ئازاترین و پاڵەوانەکانی شۆڕش، و بەم زووانە دەگەڕێنەوە ماڵ و شارەکانیان لە سووریا، بۆ ئەوەی بەشداری بکەن لە دامەزراندنی سەقامگیرییەکەی و پشتگیری لە هێز و ئاوەدانکردنەوە و خۆشگوزەرانییەکەی بکەن.
داوا لە حکوومەتی عێراق دەکەین هەموو ئەم ڕاستیانە بکاتە ئەولەویەتەکانی خۆی. ئێمە بە جددی چاومان لەوهیه لاهڕهى مێژوو تێپهڕێنین و لهگهڵ برا عێراقییهكانمان لاپهڕهیهكی نوێ ههڵدهینهوه.
وەڵام بدەوه