دوابەدوای ئەوەی موقتەدا سەدر داوای هەڵوەشاندنەوەی پەرلەمان و ئەنجامدانی هەڵبژاردنی کرد، نوری مالیکی رایگەیاند، گەڕانەوە بۆ دەستور و رێزگرتن لە دامەزراوە دەستورییەکان گرەنتی دەستپێکی گفتوگۆکانن
نوری مالیکی سەرۆکی هاوپەیمانی دەوڵەتی یاسا لە تویتێکدا رایگەیاند، لە گفتوگۆ جدیەکانەوە هیوادارین ناکۆکییەکان چارەسەربکەین و بارودۆخەکان بگەڕێنەوە بۆ شوێنی شایستەی خۆیان، وتیشی، "هەموو ئەمانە بە گەڕانەوە بۆ دەستور و رێزگرتن لە دامەزراوە دەستوریەکان ئەنجام دەدرێت."
هاوکات حەیدەر عەبادی سەرۆکی هاوپەیمانی نەسر بە هەمان شێوە دوای وتارەکەی سەدر توتێکی کرد و رایگەیاند، "وتەکانی موقتەدا سەدر بە رێزەوە وەردەگرن، لە زۆر رووەوە لەگەڵ دەستپێشخەری چارەسەکردنی قەیرانەکاندان، رێز لە هەموو ئەو لایەنانە دەگرن کە بۆ پاراستنی خوێنی خەڵک و بەدیهێنانی چاکسازی کاردەکەن.
ئاماژەی بەوەشدا، داوا لە سەرجەم لایەنەکان دەکەن بۆ خزمەتکردنی خەڵک و ئەنجامدانی چاکسازی لە سیستەم و بەهێزکردنی دەوڵەتی دەستووری، لە رێگەی پڕۆسەیەکی دیموکراسی تەندروست و ئاشتیانە.
وەڵام بدەوه