بڕیارە لە سەعات سێی دوای نیوەڕۆی ئەمڕۆ، شاندێكی لیژنەی دارایی سەردانی هەولێر بكات، شاندەكە كۆبوونەوەیان لەگەڵ وەزارەتی دارایی و دیوانی چاودێری دارایی كۆ دەبنەوە.
ئەمڕۆ سێشەم 24ـی ئەیلوول، بڕیارە پاش نیوەڕۆی ئەمڕۆ لە سەعات سێ، شاندەكە بە سەرۆكایەتی عەتوان عەتوانی سەرۆكی لیژنەی دارایی لە ئەنجوومەنی نوێنەرانی عێراق، سەردانی هەولێر بكات.
ئەوەیش زانراوە شاندەكە فراوانە و 12 ئەندامی لیژنەی دارایی لەناو شاندەكە دەبن، ماوەی سێ رۆژ لە هەولێر دەمێننەوە، لەگەڵ وەزارەتی دارایی و دیوانی چاودێری دارایی كۆبوونەوەیان دەبێت.
هاتنی ئەو شاندە لە كاتێكدایە ئێستە شاندەكەی وەزارەتی دارایی ژمارەیان پێنج بەڕێوەبەرە، ئەویش لە بەڕێوەبەری گشتی بودجەی وەزارەتی دارایی، ژمارەیەك بەڕێوەبەری ژمێركاری و بەڕێوەبەرێكی دیوانی چاودێری دارایی پێكهاتوون، لیستی مووچەی مانگی هەشت و نۆیان ڕادەستی وەزارەتی دارایی كردووە و لە بەغدان.
دارایی عێراق كە یەك ساڵە بیانوو بە هەرێمی كوردستان دەگرێت و ستەم لە مووچەخۆران دەكات، لە مانگەكانی حەوت و هەشتدا بە كەموكورتییەوە چەند بڕە پارەیەكی نارد، بۆیە دارایی هەرێمی كوردستان تێكەڵی كرد بۆ ئەوەی مووچەیەكی لێ بدات.
ماوەی 10 ساڵ و هەشت مانگە، واتە لە شوباتی 2014ـەوە، عێراق مووچە و بودجەی كوردستانی كردووە بە كارتی گوشار و هەر كاتێك ئارەزووی كرد، بە نیوەچڵی دەینێرێت و چەند ساڵێكیش هیچ بودجەیەكی بە كوردستان نەدا.
وەڵام بدەوه