باڵوێزی بەریتانیا لە عێراق رایدەگەیەنێت، لەلایەن میلیشیاكانەوە هەڕەشە لە خۆی و بەریتانییەكان كراوە، ئەوان ناتوانی هانی بەریتانییەكان بدەن گەشت بۆ عێراق، چونكە هەڕەشەی ئەمنی هەیە.
ستیڤن هیچن، باڵوێزی بەریتانیا لە عێراق، رایگەیاندووە، لە عێراق، لە لایەن میلیشیاكانەوە، بەریتانییەكان و خودی خۆی رووبەڕووی هەڕەشە لێكردن بوونەتەوە.
ستیڤن هیچن، ئاماژەی بە ناوی هیچ یەك لە میلیشیاكانی عێراق نەداوە، بەڵام دەڵێت: " هەندێك لە میلیشاكان خۆشیان ناوێن."
روونی دەكاتەوە كەرتی گەشتیاری لە هەر وڵاتێك پەیوەندارە بە سەقامگیری، هەرچەندە ئێستا عێراق 100 جار لە رابردوو باشترە، بەڵام هەڕەشكردن لە بەریتانییەكان بەردەوامە.
هەروەها لە قەسەكانی دەڵێت: "ئەستەمە نزیكەكانم هان بدەم سەردانی عێراق بكەن، لەكاتێكدا، هەڕەشەی ئەمنی و كۆنتڕۆڵ نەكردنی چەك لەناو عێراقدا هەن."
ئەوە یەكەم باڵوێز نییە لە عێراق رووبەڕووی هەڕەشە و ترس و تۆقاندن دەبێتەوە، لە ماوەی چەند مانگی رابردوو باڵوێزی ئەڵمانیا لە عێراق، رایگەیاند، لەلایەن میلیشیاكانەوە وەبەرهێنەرەكان و خۆی هەڕەشەیان لێكراوە و ژیانی ئەڵمانییەكان لە عێراق لە مەترسییدایە.
وەڵام بدەوه