سەرۆکوەزیرانی عێراق پەیوەندییەکی تەلەفۆنی لە وەزیری دەرەوەی ئەمریکا پێگەیشت و تێیدا جەختیان لەسەر ڕێگریکردن لە پەرەسەندنی گرژییەکانی ناوچە کردەوە.
ئێوارەی ڕۆژی یەکشەممە04-08-2024، ئەنتۆنی بلینکن، وەزیری دەرەوەی ئەمریکا پەیوەندی بە محەممەد شیاع سوودانی، سەرۆکوەزیرانی عێراقەوە کرد و تاوتوێی چەند پرسێکیان کرد. نووسینگەی سەرۆکوەزیرانی عێراق ڕایگەیاند: سەرۆکوەزیران دووپاتی کردەوە ڕێگریکردن لە پەرەسەندنەکان تەنیا پەیوەستە بە ڕاگرتنی دەستدرێژییەکان بۆ سەر غەززە و بەرفراوانبوونی بۆ لوبنان و ڕاگرتنی نەتەنیاهۆ و حکومەتەکەی، هەروەها ڕێگرتن لە پەلاماردانی دەسەڵاتدارانی "داگیرکاری زایۆنیستی" بۆ سەر وڵاتانی ناوچەکە و کۆتاییهێنان بە پێشێلکردنی دووبارەبووەوەی یاسا نێودەوڵەتییەکان و سەروەریی وڵاتان و هەوڵەکانی بۆ بڵاوکردنەوەی ململانێ و فراوانکردنی بازنەی قەیرانەکان. وەزیری دەرەوەی ئەمریکا خواستی ئەمریکا و ئیدارەی ئەمریکای دەربڕی بۆ ئەوەی عێراق ڕۆڵی هەبێت لە کۆنترۆڵکردنی دۆخی ناوچەکە و ڕێگریکردن لە پەرەسەندنەکان لەلایەنە جیاوازەکانەوە، ئەمەش لە بەردەوامی هەوڵەکانی عێراق بۆ پشتیوانیکردن لە سەقامگیری و ئاشتی ناوچەکە.
وەڵام بدەوه