سەرۆکوەزیرانی عێراق ستایشی ڕۆڵ و پێگەی سەرۆک بارزانی لە پرۆسەی سیاسیی عێراق دەکات و، ئاماژە بە تێپەڕاندنی هەنگاوی گرنگ دەکات لە دروستکردنی متمانە لە نێوان هەولێر و بەغدا پەیوەست بە کێشە هەڵپەسێردراوەکان، لەبەرامبەردا سەرۆک بارزانی دەڵێت: لە بەغدا نیازی باش هەیە بۆ چارەسەری کێشەکان، ئەم نیازەش ئێمەی گەیاندووەتە دۆخێکی ئاسوودە.دوای شەش ساڵ، ئەمڕۆ چوارشەممە سەرۆک بارزانی سەردانی بەغدای کرد و لەگەڵ محەممەد شیاع سوودانی، سەرۆکوەزیرانی عێراق کۆبووەوە، نزیکەی 20 دیدار و کۆبوونەوەی دیکەیشی دەبێت. سوودانی سەردانی سەرۆک بارزانی بۆ بەغدا بە گرنگ وەسف کرد و گوتی، وێڕای گرنگی دیدار و کۆبوونەوەکانی، "بەتایبەتی ئێمە باس لە ڕابەرێکی نیشتمانیی گرنگ دەکەین کە ڕۆڵێکی گەورەی هەیە لە پرۆسەی سیاسی دا". لەبارەی نێوەڕۆکی کۆبوونەوەکەشیان سوودانی گوتی: لە دیدارەکەماندا گفتوگۆیەکی بوونیادنەرانە و ئامانجدارمان کرد بە ئاراستەی چەندین پرسی نێوخۆیی و باردۆخی هەرێمی، ئەوەی گرنگە هەنگاوی گرنگمان تێپەڕاندووە لە دروستکردنی متمانە لە نێوان حکومەتی فیدراڵی و حکومەتی هەرێم بۆ کێشە بۆماوەییەکان بە پێی دەستوور و یاسا. سەرۆک بارزانی ستایشی ڕۆڵی سەرۆکوەزیرانی عێراق، سەرۆکی هەرێمی کوردستان و سەرۆکوەزیران بارزانی و بەرپرسانی هەردوو حکومەتی عێراق و هەرێمی کوردستانی کرد لە چارەسەرکردنی کێشەکانی نێوان هەولێر و بەغدا و ڕایگەیاند: ئەگەر نیازێکی باش هەبێت بۆ چارەسەرکردنی کێشەکان، کێشە نییە چارەسەر نەکرێت. سوپاس بۆ خودا ئەو نیازە لە بەڕێز سەرۆکوەزیران هەیەو دەوڵەت بەو ئاراستەو نیازە بەڕێوەدەبات، ئەو نیازەش ئێمەی گەیاندە ئەو دۆخە ئاسوودەیە. سەرۆک بارزانی گوتی: "دیالۆگەکەمان بوونیادنەرانە بوو، چ ئەوەی پەیوەندی بە دۆخی نێوخۆوە هەبوو، یان ئەوەی پەیوەندی بە دۆخی هەرێمییەوە بووە، تێڕوانینەکانمان هاوشێوەی یەک بوو، بە پشتیوانی خودا دەگەینە هەماهەنگی و هاوکاری لەگەڵ یەک".
Hogir Nerwayi
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه