كۆمسیۆنی باڵای سەربەخۆی هەڵبژاردنەكانی عێراق رایدەگەیەنێت، تا ئێستا بڕیار بۆ درێژكردنەوەی تۆماركردنی لیست، هاوپەیمانییەكان و سەربەخۆكان و حزبەكان نییە.
ئەمڕۆ پێنجشەممە 13/6/2024، جمانە غەلای، گوتەبێژی كۆمسیۆنی باڵای سەربەخۆی هەڵبژاردنەكانی عێراق، ئاماژەی بەوە كرد، دەرگای تۆماركردنی لیست، هاوپەیمانییەكان، سەربەخۆكان و حزبەكان كردەوە تا ئەمڕۆ 13ی حوزەیران، بەردەوام دەبێت.روونی دەكاتەوە كە نیازی درێژكردنەوە بۆ تۆماركردنی لیست و هاوپەیمانییەكان و سەربەخۆكان و حزبەكان نییە. لە ماوەیەكی نزیكدا ژمارەی ئەو حزبانە رادەگەیەنرێ كە دەیانەوێت لە هەڵبژاردنی پەرلەمانی كوردستان بەشداری بكەن. ئەنجوومەنی كۆمسیاران، رۆژی پێنجی ئەیلوولی 2024، دەست نیشانكردووە، بۆ بەڕێوەچوونی هەڵبژاردنی خولی شەشەمی پەرلەمانی كوردستان، بەڵام تا ئێستا مەرسوومی سەرۆكایەتیی هەرێمی كوردستان بۆ ئەو رۆژە دەرنەكراوە.
وەڵام بدەوه