لە ساڵی 2023دا حكوومەتی هەرێمی كوردستان، گفتوگۆی لەگەڵ عێراق دەستی كرد بە پێدانی تابلۆی نوێ و لە هەرێم كاری پێ كرا، بەڵام لە ئەمڕۆوە ئەو پرۆسەیە لە عێراق دەست پێ دەكات و هاتوچۆی سەرجەم پارێزگاكانی عێراق تابلۆی نوێ چاپ دەكەن.
ئەمڕۆ یەكشەممە محەمەد حەسوون گوتەبێژی هاتوچۆی پارێزگای بەغدا رای گەیاند، بەپێی ئەو فەرمانەی لە هاتوچۆی گشتی دەرچووە، تابلۆی ئۆتۆمبێلەكانی عێراق گۆڕانكاریی بەسەردا دێت و تابلۆكە شێوەی باریك دەبێتەوە.
زیاتر گوتی، تابلۆكان ناوی پارێزگاكانی بەسەرەوە نامێنێت، دەبێتە ژمارە و پیت و سەرجەمیان بە ئینگلیزی دەبێت.
بەگوتەی ئەو بەرپرسەی هاتوچۆ، فەرمان دەرچووە لە سەرجەم پارێزگاكانی عێراق كار بكەن بۆ دروستكردن و پێدانی تابلۆی نوێ بە هاووڵاتییان.
دوێنی محەمەد شیاع سوودانی سەرۆك وەزیرانی عێراق، یەكەم تابلۆی نوێی ئۆتۆمبێلی چاپ كرد كە هاوشێوەی تابلۆی ئۆتۆمبێلەكانی هەرێمی كوردستانە.
لە ساڵی 2023 هەرێمی كوردستان دەستی كردووە بە پێدانی تابلۆی نوێ بە شوفێران، ئەوەیش دوای رێككەوتنی هەردوو حكوومەت بۆ دروستكردنی تابلۆیەكی هاوبەش دێ.
وەڵام بدەوه