ئەمڕۆ دادگای فیدراڵی بۆ سكاڵایەكی سەرۆكی حكوومەتی هەرێمی كوردستان، لە دژی سیستمی دابەشكردنی كورسییەكانی پەرلەمانی كوردستان و نەهێشتنی كورسیی كۆتاكان كۆ دەبێتەوە. ئەمڕۆ سێشەممە، بەپێی بڕیار یەكەم دانیشتنی دادگای باڵای فیدراڵیی عێراق بۆ تاوتوێكردنی سكاڵایەكی مەسروور بارزانی سەرۆكی حكوومەتی هەرێمی كوردستان، لەبارەی دابەشكردنی كورسییەكانی پەرلەمانی كوردستان و نەهێشتنی كورسیی كۆتاكان بەڕێوە دەچێت. بڕیار بوو یەکشەممە دادگاییكە بەڕێوە بچێت، بەڵام دوو لە دادوەرانی دادگای فیدراڵی لە مۆڵەتدا بوون، بۆیە دانیشتنەكە بۆ ئەمڕۆ سێشەممە دواخراوە. مەسروور بارزانی سەرۆكی حكوومەتی هەرێمی كوردستان لە ڕێی بریكارەكەیەوە، سكاڵایەكی لە دژی سەرۆكی ئەنجوومەنی كۆمیسیارانی كۆمسیۆنی باڵای سەربەخۆی هەڵبژاردنەكانی عێراق لە دادگای فیدراڵی تۆمار كرد، ئەوەیش بۆ گەڕانەوی مافی پێكهاتەكان.
دوای سكاڵاكەی سەرۆكی حكوومەت، سەرجەم ئامادەكارییەكانی كۆمسیۆن بۆ هەڵبژاردنی پەرلەمانی كوردستان وەستاوە تا ئەو سكاڵایەی یەكلا دەبێتەوە.
وەڵام بدەوه