دادگەی فیدڕالی عێراق کۆدەبێتەوە

دادگای فیدراڵی عێراق، رۆژی یەكشەممەی داهاتوو، بۆ دادبینی و یەكلاكردنەوەی سكاڵای سەرۆكی حكوومەتی هەرێمی كوردستان كۆدەبێتەوە.

ئەمڕۆ سێشەممە، 14ی ئایار، پارێزەر ئەیاد کاکەیی بە ڕاگەیاند ڕۆژی یەکشەممەی داهاتوو، 19ی ئایاری 2024، دادگای فیدراڵی عێراق، بۆ دادبینی و یەکلایی کردنەوەی سکاڵاکەی مەسرور بارزانی، سەرۆکی حکوومەتی هەرێمی کوردستان لەبارەی دابەشکردنی کورسییەکانی پەرلەمانی هەرێمی کوردستان کۆدەبێتەوە.

رۆژی شەشی ئایاری 2024، مەسرور بارزانی سەرۆكی حكوومەتی هەرێمی كوردستان سكاڵا سەر سەرۆكی كۆمسیۆن سەربەخۆی هەڵبژاردنەكانی عێراق تۆماركرد، بەهۆی ئەوەی كارەكانی كۆمسیۆن تایبەت بە گۆڕانكارییەكانی كورسییەكانی پەرلەمان پێچەوانەی دەستوورە.

هەربۆیە رۆژی حەوتی ئایار، دادگای فیدراڵی، فەرمانێكی كاتی(ئەمری وەلائی) دەكرد و كارەكانی كۆمسیۆنی تایبەت بە بڕگەی دووەم لە مادەی دووەمی لە سیستەمی تۆمارکردن و پەسەندکردنی لیستی کاندیدەکانی هەڵبژاردنی پەرلەمانی هەرێمی کوردستان ژمارە (7)ی ساڵی 2024 راگرت تا یەكلابوونەوەی سكاڵاكە.