فەرمی کۆمیسیونی عێراق ھەڵوێستی پارتی و ناڕازیی پارتی لەسەر دەنگدان پشت ڕاست دەکاتەوە

کۆمیسیۆنی باڵای سەربەخۆی هەڵبژاردنەکانی عێراق ڕایگەیاند، 357 هەزار و 394  دەنگدەر لە هەرێمی کوردستان پەنجەمۆریان نا خوێندرێتەوە و لە مافی دەنگدان بێبەش دەبن جومانە غەلای، گوتەبێژی کۆمیسیۆنی باڵای سەربەخۆی هەڵبژاردنەکانی عێراق ڕاگەیاند: تەنیا ٪5ـی کۆی دەنگدەران دەتوانن بەبێ پەنجەمۆر دەنگ بدەن، بەڵام ئەوەی ئێستا هەیە ٪12.6 ی کۆی دەنگدەرانی هەرێمی کوردستان پەنجەمۆریان نییە. پێشتر نێچیرڤان بارزانی، سەرۆکی هەرێمی نووسراوێکی ئاراستەی کۆمیسیۆن کردبوو، گوتبووی؛ %20ـی ئەو دەنگدەرانەی کارتی بایۆمەترییان نوێ کردووەتەوە کێشەی پەنجەمۆریان هەیە. هاوکات پارتی ڕایگەیاندبوو: لەم ڕێژەیە  232 هەزاریان دەنگدەری پارتین.  لە هەرێمی کوردستان سێ ملیۆن و 789 هەزار و 360 کەس مافی دەنگدانیان هەیە، لەو ژمارەیە دوو ملیۆن و 783 هەزار و 552 کەس کارتی دەنگدانیان نوێکردووەتەوە، بەمەش یەک ملیۆن و پێنج هەزار و 808 کەس کارتی دەنگدانییان نییە کە دەکاتە زیاتر لە ٪26ـی دەنگدەران. ئەم قسانە کۆمیسیۆن جەخت لەو هەڵوێستەی پێشتری پارتی دەکاتەوە کە گوتبووی ناڕەزایەتییان لە شێوازی هەڵبژاردن هەیە