ئەمڕۆ پێنجشەممە 21/3/2024، محەمەد شیاع سوودانی، سەرۆك وەزیرانی عێراق، لە پەیامێكدا كە بە بۆنەی جەژنی نەورۆزەوە بڵاوی كردووەتەوە، ڕایگەیاندووە: "گەرمترین پیرۆزبایی ئاراستەی گەلی کوردی ئازیز لە هەرێمی کوردستان و سەرجەم خەڵکی عێراق دەکەم، بەو ئومێدەی ئەم بۆنە مەزنە ببێتە بەدیهێنەری داهاتوویەکی گەش.
باسی لەوەش كردووە: "ئەم بۆنەیە بیرمان دەخاتەوە هیچ جێگرەوەیەک بۆ کاری پێکەوەیی نییە، بەرزڕاگرتنی بەها هاوبەشەکان و یەکچارەنووسیی و ئەو داهاتووەی پێکەوە دەینەخشێنین لە سەرانسەری عێراقدا.
هەر لە پەیامەكەیدا، سوودانی دەڵێت: "نەورۆز جارێکی دیكە هەموو پارچەکانی وڵاتەکەمان بەسەر دەکاتەوە، ڕۆڵەکانی ئێمەش بەردەوامن لە کارکردن و بونیاتنان و پتەوکردنی هەنگاوەکان بۆ بەدیهێنانی خواست و ئامانجە هاوبەشکانی گەلی عێراق.
سەرۆک وەزیرانی عێراق پیرۆزبایی ئاراستەی تەواوی گەلانی ناوچەکە دەکات کە ئەم جەژنە دەکەنەوە و ئاماژەی بەوە داوە: "بەو ئومێدەم خوا سەقامگیریمان بۆ بگێڕێتەوە."
وەڵام بدەوه