داوا دەکرێت سەرۆک کۆماری عێراق دەست لەکاربکێشێتەوە. پارێزەرێک رای دەگەیەنێت، سەركۆماری عێراق لە كاتێكدا لەسەر پشكی هەرێمی كوردستان لە پۆستەكەیدایە، كەچی هیچ هەڵوێستێكی لە بەرامبەر ئەو هەموو دژایەتییە نییە كە بەرامبەر بە گەلی كوردستان دەكرێت. داواشی لێ دەكات كە ئەگەر هەڵوێستی نابێت، دەست لەكار بكێشێتەوە.
گوتەبێژی حكوومەتی هەرێمی كوردستان رای گەیاند كە لە ماوەی ئەم دوو ساڵەی رابردوودا، دادگای فیدڕاڵیی عێراق لانی كەم، هەشت بڕیاری لە دژی هەرێمی كوردستان و خەڵكەكەی دەركردووە.
هەر بەهۆی ئەو دژایەتییەی هەرێمی كوردستان و هەوڵدانی دادگای فیدڕاڵی بۆ گەڕاندنەوەی عێراق بۆ مەركەزیەت و زیادەڕۆییكردن بۆ سەر دەستوور و دەسەڵاتەكانی یاسادانان و جێبەجێكردن لە عێراق، چەند ڕۆژی رابردوو دادوەر عەبدولڕەحمان زێباری، ئەندامی دادگای فیدڕاڵی كشانەوەی خۆی لە دادگاكە راگەیاند.
شارەزایانی یاسا رای دەگەیەنن كە تاكە كەس بتوانێت ڕێگە لەم دوژمنایەتیكردنەی هەرێمی كوردستان لە لایەن دادگای فیدڕاڵییەوە بگرێت، لەتیف رەشیدی سەركۆماری عێراقە كە لە پشكی هەرێمی كوردستانیش لە پۆستەكەیدایە.
لەمبارەیەوە بەختەوەر سەپان، پارێزەر و چاودێری سیاسی راگەیاند، پۆستی سەركۆماری عێراق بەپێی دەستوور، كۆمەڵێك دەسەڵاتی هەیە كە ئەگەر بەكار بهێندرێت، دەبێتە هۆی ئەوەی كە هیچ یەكێك لە دەسەڵاتەكان نەتوانن پێشێلكاریی دەستووری بكەن.
گوتیشی: ”بەداخەوە ماوەیەكی زۆرە ئەو كەسانەی كە لە پشكی هەرێمی كوردستان و لەنێو یەكێتیی نیشتمانیی كوردستانەوە دەبن بە سەركۆماری عێراق، پۆستەكەیان بۆ بەرگریكردن لە هەرێمی كوردستان بەكار ناهێنن، شۆڤێنی و نەیارەكانی كوردستانیش لە بەغدا دەزانن سەركۆمارە یەكێتییەكان هەڵوێستیان نابێت، بۆیە ئاوا بێمنەتانە بڕیار لە دژی هەرێمی كوردستان دەردەكەن.
ئەو پارێزەرە پێیوایە كە سەركۆماری عێراق پێویستە هەڵوێستی هەبێت، چونكە ئەگەر نوێنەری هەرێمی كوردستان نەبوایە، نەیدەتوانی لەسەر كورسییەكەی دابنیشێت، ”ئەگەریش هەڵوێستی نابێت یان ناوێرێت هەڵوێست
وەڵام بدەوه