عێراق ماتەمینی گشتی راگەیاند
حکوومەتی عێراق بەهۆی هێرشەکانی شەوی رابردووی ئەمریکا بۆ سەر میلیشیاکان ماتەمینی گشتی راگەیاند.
ئەمڕۆ شەممە 3/2/2024، محەمەد شیاع سوودانی، سەرۆکوەزیرانی عێراق بەهۆی هێرشەکانی شەوی رابردووی ئەمریکا بۆ سەر میلیشیاكان له ناوچەکانی عەکاشات و قائیم لە ڕۆژئاوای پارێزگای ئەنبار کە چەندین کەس کوژران و بریندرابوون، ماتەمینی گشتی لەسەرجەم دامودەزگاکانی حکوومەت راگەیاند.
شەوی رابردوو، گوتەبێژی كۆشكی سپی رای گەیاند کە فڕۆكە جەنگییەكانی ئەمریكا لە ئۆپەراسیۆنێكدا 85 ئامانجیان لە حەوت پێگەی جیاواز كە سێ پێگەیان لە عێراق و چواریش لە سووریا بوون، بۆردومان كردووە و لە ماوەی كەمتر لە نیو كاتژمێردا، 125 مووشەكی وردیان ئاراستەی ئەو پێگانە كردووە.
وەڵام بدەوه