ئەمڕۆ هەینی دزینی 664 مليۆن دۆلاری ئەمریكی لەلایەن 34 كارمەندی حكوومەتی عێراقی فیدراڵەوە ئاشكرا بوو.
لە 2003وە حكوومەتی عێراق وەك یەكێك لە گەندەڵترین حكوومەتەكانی جیهان هەژمار دەكرێت و ساڵانە ملیاران دۆلار لەلایەن دەسەڵاتدارانی وڵاتەكە و بەرپرسانی ئیداری و كارمەندە پلەدارەكانی حكوومەتەكەوە دەدزرێ و دیار نامێنێت.
ئەمڕۆ هەینی ماڵپەڕی ڕۆژنامەی "ئەلعەرەبی ئەلیەوم" لە راپۆرتێكدا ئاشكرای كردووە كە تۆڕێكی ترسناكی گەندەڵی كە لە دەیان كارمەند و فەرمانبەری حكوومەتی فیدراڵیی پێكهاتوون، ملیۆنان دۆلاری حكوومەتیان دزیوە.
بەپێی هەواڵەكە، تۆڕێك ئاشكرا بووە كە كارمەندانی باڵا و ئەفسەری پلەداری هێزە ئەمنییەكانی عێراقی لەخۆ گرتووە و تۆمەتبارن بە دزینی یەك ترليون و 32 مليار ديناری عێراقی كە دەكاتە نزیكەی 664 مليۆن دۆلاری ئەمریكی.
ئەمەش لە كاتێكدایە كە حكوومەتی ئێستای فیدراڵی بە سەرۆكایەتی محەمەد شیاع سوودانی دووپات لەسەر ڕێگرتن لە گەندەڵی دەكاتەوە.
وەڵام بدەوه