سوودانی لەبارەی هێرشەكەی هەولێر هاتە دەنگ
محەمەد شیاعس وودانی سەرۆك وەزیرانی عێراق پەیامێكی بڵاو كردەوە و رای دەگەیەنێت، لیژنەیەك دەنێرێت و لێكۆڵینەوە دەكرێ بۆ ئەوەی بەڵگە كۆ بكرێتەوە لەسەر ئاستی نێودەوڵەتی پاڵپشتی دروست بكرێت.
ئەمڕۆ سێشەم 16ـی كانوونی دووەم، لە پەیامێكی محەمەدە شیاع سوودانی سەرۆك وەزیرانی عێراق هاتووە، ڕاوێژكاری ئاسایشی نیشتمانی عێراق سەرۆكایەتیی لیژنەكە دەكات و، لێكۆڵینەوە و زانیاری لەبارەی هێرشەكە كۆ دەكرێتەوە.
باسی لەوەش كردووە، لیژنەكە بۆ ئەوەیە لەسەر ئاستی نێودەوڵەتی پاڵپشتی لە هەڵوێستی حكوومەتی عێراق بكرێت.
ئەو پەیامەی سوودانی لە كاتێكە بە فەرمی باسی ئێرانی نەكردووە ئەو كارەی كردووە، بەڵام بە ناراستەوخۆ دەڵێت دژی ئەوان بەڵگە كۆە دەكەینەوە.
شەوی رابردوو لە سەعات 11 و نیوی شەو، لەلایەن كۆماری ئیسلامیی ئێرانەوە ماڵی بازرگانێكی هەولێر كرایە ئامانجی مووشەك، بەو هۆیەوە تەواوی خێزانەكە گیانیان لە دەست دا.
شەوی رابردوو لە راگەیەنراوێكی ئەنجوومەنی ئاسایشی هەرێمی كوردستاندا هاتووە، سەعات 11 و نیوی شەوی 15 لەسەر 16ی كانوونی دووەمی 2024، سوپای پاسدارانی ئێران بە چەندان مووشەكی بالیستیكی، چەند ناوچەیەكی سڤیلنشینی هەولێری بۆردمان كرد، بەپێی ئامارە سەرەتاییەكان، چوار هاووڵاتیی سڤیل شەهید و شەش كەسی تریش بریندار بوون، ڕەوشی تەندروستیی هەندێ لە بریندارەكان ناجێگیرە.
وەڵام بدەوه