شاندێکی تەکنیکی حکومەتی هەرێمی کوردستان، ئەمڕۆ چوارشەممە، 10-01-2024، بۆ گفتوگۆکردن لەبارەی تێچووی دەرهێنان و گواستنەوەی نەوتی هەرێمی کوردستان چوونەتە بەغدا.
شاندەکە لەگەڵ بەرپرسانی حکومەتی فیدراڵی گفتوگۆ لەبارەی تێچووی دەرهێنان و گواستنەوەی نەوت دەکات و هەردوولا دەیانەوێت لەسەر ژمارەیەکی راستەقینە بگەنە رێککەوتن و لە هەمواری یاسای بودجە جێگیری بکەن.
ئەمە لە کاتێکدایە لە دوایین کۆبوونەوەی شاندی هەرێمی کوردستان و عێراق لێکتێگەیشتن هەبووە کە لیژنەیەک لەگەڵ کۆمپانیاکانی دەرهێنان و گواستنەوەی نەوت پێکبهێنرێت بۆ ئەوەی لە زووترین کات لسەر دیاریردنی ژمارەیەک بگەنە رێککەوتن کە بەپێی یاسای بودجەی عێراق بۆ دەرهێنانی هەر بەرمیلێک شەش دۆلار دیاری کراوە و حکومەتی هەرێمی کوردستانیش داوای 26 دۆلاری کردووە.
وەڵام بدەوه