كه‌مێك پێش ئێستا، پێشه‌وا هه‌ورامانی، گوته‌بێژی حكوومه‌تی هه‌رێمی كوردستان ڕایگه‌یاند، شاندی حكوومه‌تی هه‌رێمی كوردستان گه‌یشته به‌غدا.
ئه‌وه‌شی خسته روو، بابه‌تی مووچه و هه‌مواری یاسای بودجه تاوتوێ ده‌كرێت و حكوومه‌تی هه‌رێمی كوردستان ده‌یه‌وێ بگاته چاره‌سه‌ری كۆتایی له‌سه‌ر ئه‌و پرسانه.
پێشتر، هونه‌ر جه‌مال، وته‌بێژی وه‌زاره‌تی دارایی، رایگه‌یاند كه شاندی وه‌زاره‌تی دارایی بۆ ده‌ستپێكردنه‌وه‌ی گفتوگۆكان له‌باره‌ی بودجه و مووچه‌وه ده‌چێته به‌غدا.
ئه‌مڕۆ شه‌ممه 6/1/2024، هونه‌ر جه‌مال، وته‌بێژی وه‌زاره‌تی دارایی، رایگه‌یاند: ئه‌مڕۆ شاندی وه‌زاره‌تی دارایی حكوومه‌تی هه‌رێمی كوردستان، به سه‌رۆكایه‌تیی ئاوات شێخ جه‌ناب، وه‌زیری دارایی، ده‌چێته به‌غدا و سبه‌ی یه‌كشه‌ممه كۆبوونه‌كان له‌گه‌ڵ به‌رپرسانی باڵای عێراق تایبه‌ت به كێشه‌ی بوجه و مووچه‌ی فه‌رمانبه‌رانی هه‌رێمی كوردستان ده‌ست پێ ده‌كات.
وته‌بێژی وه‌زاره‌تی دارایی، ڕاشیگه‌یاند: مانگێك له‌مه‌وبه‌ر واده‌ی ئه‌م كۆبوونه‌وه‌یه ڕاگه‌یاندرا، هه‌ردوو حكوومه‌تی هه‌رێمی كوردستان و عێراقی فیدرالیش، په‌رۆشن بۆ چاره‌سه‌ركردنی كێشه‌ی بودجه و مووچه له‌مساڵدا، به تایبه‌تی له ڕێی هه‌مواری یاسای بوجه، شانده‌كه چه‌ند رۆژێكیش له‌به‌غدا ده‌مێننه‌وه.
Hogir Nerwayi
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه