بانکی رەشید فۆڕمێکى بەردەست کرد بۆ پێدانى دۆلار بە گەشتیاران

بانکی رەشید، کاژێر 8ی ئەمشەو سەکۆی پێدانی دۆلار بە گەشتیاران دەکاتەوە و دەڵێت، پێویستە هاووڵاتی داتا و زانیارییەکانی بە دروستی پێشکێش بکات.
 
بانکی رەشید رۆژی سێشەممە، 28-11-2023، لە راگەیێندراوێکدا بڵاویکردەوە، "میکانیزمی نوێی پێدانی دۆلار پێویستی بەوەیە گەشتیار پێشوەخت داواکاری پێشکێش بکات لە رێگەی لینکێک کە لە پەیجی سەرەکیی بانکەکە هەیە بۆ ئەوەی پارەکەی بۆ ئامادەبکرێت، دواتر سەردانی لقی بانکەکە لەنێو فڕۆکەخانەی بەغدا بکات بۆ وەرگرتنی دۆلارەکە. ئەو رێکارە ئاسانکاری دەکات تاوەکو هاووڵاتییان بەشێوەیەکی ئاسایی دۆلار بکڕن".
 
بۆ گەشتی دەرەوەی وڵات، 3 هەزار دۆلار بە نرخی فەرمیی 132 هەزار دینار دەدرێتە گەشتیاران. 
بانکی رەشید کە بانکێکی حکومیی عێراقییە، ئاماژە بەوە دەکات، پێویستە هاووڵاتی بە دروستی داتا و زانیارییەکان پڕ بکاتەوە تاوەکو پێدانی پارەکە بە سەرکەوتوویی جێبەجێ بکرێت. 
حکومەتی عێراق 100 دۆلار بە 132 هەزار دەفرۆشێت، بەڵام لە بازاڕەکان نرخەکەی جیاوازە.
ئێوارەی ئەمڕۆ سێشەممە، 28-11-2023، نرخی 100 دۆلار بە 157 هەزار و 850 دینار مامەڵەی پێوەکرا.

بەستەرى ناردنى داواکردنى دۆلار