نه‌سیف ئه‌لخیتابی پارێزگاری كه‌ربه‌لا له به‌یاننامه‌یه‌كدا ڕایگه‌یاند: له رۆژی چوارشه‌می داهاتووه‌وه ڕێكه‌وتی 30/8/2023 پشووی داموده‌زگاكانی حكوومه‌ت ده‌ست پێ ده‌كات.
ڕاشیگه‌یاند: پشووه‌كه بۆ ئه‌وه‌یه تا شه‌قام و ڕێگاكانی پارێزگای كه‌ربه‌لا له‌به‌رده‌م زیاره‌تكاران واڵا و كراوه بن و قه‌ره‌باڵغی دروست نه‌بێت.
به‌گوێره‌ی پلانه‌كانی پارێزگای كه‌ربه‌لا پشووه‌كه ته‌نیا هێزه ئه‌منی و فه‌رمانگه خزمه‌تگوزارییه‌كان ناگرێته‌وه و ئه‌وان له كاتی به‌ڕێوه‌چوونی مه‌ڕاسیمه‌كان ئێشكگر ده‌بن.
چاوه‌ڕوان ده‌كرێ ئه‌مساڵ ملیۆنان زیاره‌تكاری عێراقی و ئێرانی و بیانی ڕوو له نه‌جه‌ف و كه‌ربه‌لا بكه‌ن بۆ به‌شداریكردن له چله‌ی ماته‌مینی ئیمام حوسێن، به‌شێك له‌و زیاره‌تكارانه‌ش كه پێشبینی ده‌كرێ زیاتربن له 500 هه‌زار زیاره‌تكار له ئێرانه‌وه به ڕێگه‌ی وشكانی و له ده‌روازه‌ی نێوده‌وڵه‌تی حاجی ئۆمه‌ران و مه‌رزه‌كانی تره‌وه داخیلی هه‌رێمی كوردستان بن و به‌ره‌و شاره‌كانی نه‌جه‌ف و كه‌ربه‌لا به‌ڕێ بكه‌ون.
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه