وەزیری نەوتی عێراق بۆ تاوتوێكردنی ژمارەیەك پرس بە تایبەت دەستپێكردنەوەی ھەناردەكردنی نەوتی هەرێمی كوردستان لە بەندەری جەیھانی توركیا، گەیشتۆتە ئەنقەرە

حەییان عەبدولغەنی، وەزیری نەوتی عێراق، دوێنێ بەسەردانێكی فەرمی گەیشتە ئەنقەرە كە لە میانیدا، بۆ تاوتوێكردنی ژمارەیەك پرس بە تایبەت دەستپێكردنەوەی ھەناردەكردنی نەوتی هەرێمی كوردستان لە بەندەری جەیھانی توركیا لەگەڵ فاتیح دۆنمەز ،وەزیری وزە و سامانە سرووشتییەكانی توركیا، كۆدەبێتەوە.
بەپێی ڕاگەیەندراوێكی باڵیۆزخانەی عێراق لە ئەنقەرە، حەییان عەبدولغەنی بەسەردانێكی فەرمی كە دوو ڕۆژ دەخایەنێت گەیشتووەتە ئەنقەرە.
ڕاشیگەیاندووە كە وەزیری نەوتی عێراق لەسەردانەكەی بۆ ئەنقەرە، ژمارەیەك پرسی گرنگ تایبەت بە پەرەپێدان بە پەیوەندییە دووقۆڵییەكان و فراوانكردنی ئاسۆی ھاریكارییەكان لە بواری نەوت، غاز و وزە، ھەروەھا دەستپێكردنەوەی ھەناردەكردنی نەوتی هەرێمی كوردستان لە بەندەری جەیھانی توركیا لەگەڵ بەرپرسانی توركیا تاوتوێ دەكات.
شایانی باسە لە 25ی ئاداری ئەمساڵەوە تا ئێستا ھەناردەكردنی نەوتی ھەرێمی كوردستان لە رێگەی بەندەری جەیھانی توركیا وەستاوە