ڕاگەیاندراوێک لە وەزارەتی داراییەوە

لە ١٢ ساڵی ڕابردوودا حكومەتی فیدراڵ تێكڕای ڕێژەی ٤.،٢ ٪ ی بوودجەی گشتی عێراقی بۆ هەرێمی كوردستانی ناردووە.
لە ١٢ ساڵی ڕابردوودا حكومەتی فیدراڵ نزیكەی ٤١ ترلیۆن دیناری بۆ هەرێمی كوردستان ناردووە كە دەكاتە ٤٦ مووچە لە كۆی ١٤٤ مووچە.
لە ١٢ ساڵی ڕابردوو ( ٢٠١٤ تا ٢٠٢٥) ، تێكڕای ڕێژەی كرداریی نێردراو لە بوودجەی گشتی عێراق دوای لێبڕینەكانی سەروەری و قەرز و پاپەندییەكانی تر بۆ هەرێمی كوردستان لەلایەن حكومەتی فیدراڵییەوە، دەكاتە تەنها ڕێژەی ٤.,٢٪ ی بوودجەی گشتی عێراق لە جیاتی ڕێژەی ١٧٪ و ڕێژەی,١٢,٦٧٪ تایبەت بە پشكی هەرێمی كوردستان. 
بڕی پارەی تەمویلكراو لەلایەن وەزارەتی دارایی فیدراڵ بۆ سەر هەژماری وەزارەتی دارایی و ئابووری هەرێمی كوردستان لەو ماوەیەدا ، دەكاتە تەنها ٤١ چل و یەك ترلیۆن و ٤٢ ملیار دینار بوو لە كۆی ٢١٢ ترلیۆن و ٧٦١ ملیار دینار كە بەكارهاتووە بۆ تەمویل كردنی نزیكەی ٤٦ مووچەی فەرمانبەران و سوودمەندانی هەرێمی كوردستان لە كۆی ١٤٤ مووچە لەو ماوەیەدا .
جگە لەوە ماوەی ساڵانی؛ ٢٠١٤ ، ٢٠٢٠ ، ٢٠٢٢ حكومەتی فیدراڵ بەهۆی نەبوونی یاسای بوودجە پارەی تەمویلكراوی بۆ هەرێمی كوردستان وەكو قەرز هەژمار كردووە تا دواتر لە پشكی هەرێمی كوردستان لەگەڵ پەسەندكردنی بوودجەی گشتی بیبڕێتەوە.
سەرەڕای داتاكانی وەزارەتی پلاندانانی فیدراڵی كە بڵاویكردووەتەوە لە ساڵی ٢٠٢٤  و بەپێی ئەنجامەكانی سەرژمێری دانیشتووانی هەرێم، پشكی هەرێمی كوردستان دەكاتە ڕێژەی ١٤,١٤٪ی بوودجەی گشتی عێراق.
ڕاگەیاندنی وەزارەتی دارایی و ئابووری