زانیاری نوێ لە بارەی مووچەی مانگی نۆ

ڕاوێژكارێكی سەرۆكی حكوومەتی هەرێمی كوردستان ڕایگەیاند، فشارێكی زۆر لە حكوومەتی عێراق دەكەن، بۆ ئەوەی لەسەرەتای مانگی 11 و پێش هەڵبژاردن مووچەی مانگی 9ـی مووچەخۆرانی كوردستان بنێرێت.

ڕێباز حەملان، ڕاوێژكاری سەرۆكی حكوومەتی هەرێمی كوردستان بە ڕۆژنامەنووسانی ڕایگەیاند: "ئێستا 120 ملیار دینار بۆ مووچەی مانگی نۆ، ئامادە دەكەین، ئێستا فشارێكی زۆر دەكەین، كە عێراق پابەندییەكانی خۆی جێبەجێ بكات و پێویستە پێش هەڵبژاردن مووچەی مانگی 9 بنێرن، بۆ ئەوەی لە كۆتایی مانگی 11شدا، مووچەی مانگی 10ش بنێرن."

گوتیشی: "چاوەڕێین، كە لە كۆبوونەوەی ئەنجوومەنی وەزیرانی عێراق بڕیار لەسەر خەرجكردنی مووچەی مانگی 9 بدرێت، تا ئێمەش 120 ملیار دینارەكەیان بۆ بخەینە سەر هەژماری وەزارەتی دارایی عێراق."