یەكێك لە بانكە بەشدارەكانی پڕۆژەی هەژماری من، مانگانە چەند مووچەخۆرێك بە بڕێك پارە خەڵات دەكات و رای گەیاند، بۆ هەر مانگێك چەند فەرمانبەرێك خەڵات دەكەین.
ئەمڕۆ یەكشەم شەشی نیسان، بانكی ئیسلامی عێراق بڵاوی كردەوە، بانكی ئیسلامی عێراق بە خۆشحاڵییەوە براوەی تیروپشكی مانگانەی "مووچەكەت نیعمەتە" بۆ مانگی شوباتی 2025 ڕادەگەیەنێت.
باس لەوەش كراوە، خەڵاتەكە بۆ ئەم مانگە بە بەهای 100 هەزار دیناری عێراقییە بۆ شەش فەرمانبەر لە شەش پارێزگای جیاواز كە یەكێكیان لە سلێمانییە.
ئەو بانكە دەڵێت، پیرۆزبایی لە هەموو براوەكان دەكەین و خەڵاتەكە لە پارەی بانكی خۆیەوە دەدرێت و وەریدەگرن.
ئەوە لە كاتێكدایە ئێستە ئەو بانكە لە هەژماری من بەشدارە و فەرمانبەرێكی زۆر ئەو كارتەی ئەمساڵ بۆ دەرهێنراوە، بڕیارە بەمنزیكانە دەست بكات بە دانانی ئامێرەكانی ATM لە شارەكانی هەرێمی كوردستان.
تا ئێستە هەشت بانك بەشدارن لە پڕۆژەی هەژماری من، بانكی "تی بی ئای" عێراقیش هاتووەتە ناو پرۆسەكە و بەشداریی كردووە، بەپێی دواین نووسراوی فەرمی دادگای فیدراڵی، ئەو پرۆسەیە هیچ كێشەیەكی نییە، چونكە ئەوانیش وەك هەرێمی كوردستان لە بانكە ئەهلییەكان ئەو كارە ئەنجام دەدەن.
هەژماری من پڕۆژەی بە بانكیكردنی مووچە و كاروبارەكانی داراییە، 19 خزمەتگوزاریی بانكی لە خۆی دەگرێت كە لەلایەن حكوومەتی كوردستانەوە جێبەجێ دەكرێت.
وەڵام بدەوه