لیستی مووچەی مانگی سێ ئامادەکراوە و تەنیا چەند ڕێککارێکی هونەری ماوە. وەزارەتی داراییش دەڵێت لە هەوڵی بەردەوامداین سبەی سێشەممە لیستەکە بۆ بەغدا بنێرین.
هەوڵەکانی حکومەتی هەرێمی کوردستان بەردەوامە بۆ ئەوەی پێش جەژنی ڕەمەزان مووچەی مانگی سێ دابەش بکرێت، بۆ ئەو مەبەستە لە هەفتەی ڕابردووەوە سەرجەم وەزارەتەکان ڕاسپێردراون لیستی نوێی مووچە بەخێرایی ئامادە بکەن.
وەزارەتی دارایی کوردستان ئەم مانگە خاڵ بە خاڵ ڕێککەوتنی هەولێر و بەغدای پەیوەست بە مووچەی جێبەجێ کردووە، سەرجەم سەرنج و تێبینییەکانی تەیف سامی و وەزارەتی دارایی عێراق چارەسەر کراون، بەو ئامانجەی ئەم مانگە هیچ بیانوویەک نەگرن و بەخێرایی پارە بنێرن، بۆ ئەوەی پێش جەژنی ڕەمەزان دابەش بکرێت. سەرچاوەیەکی باڵا لە وەزارەتی دارایی کوردستان راگەیاند: لە هەوڵداین سبەی سێشەممە لیستی مووچە بۆ وەزارەتی دارایی عێراق بنێرین، تاوەکو ئێستاش بڕیار نەدراوە پێویست دەکات شاند بچێت بۆ ڕوونکردنەوەدان لەسەر لیستەکە یان نا.
وەڵام بدەوه