وەزارەتى دارایى و ئابووریى حکومەتى هەرێمى کوردستان، هەفتەى داهاتوو لیستى مووچەى مانگى شوبات و تەرازووى پێداچوونەوەى مانگى یەکى ئەمساڵ رەوانەى بەغداد دەکات.
سەرچاوەیەک لە وەزارەتى دارایى و ئابووریى حکومەتى هەرێمى کوردستان رایگەیاند "بەغداد داواى لیستى مووچەى مانگى شوبات و تەرازووى پێداچوونەوەى مانگى کانوونى دووەمى 2025ـى کردووە، هەفتەى داهاتوو رەوانە دەکرێت و چاوەڕێدەکەین پێش 25ـى شوبات تەرخانى دارایى مووچەى مووچەخۆران بخرێتە سەر هەژمارى دارایى هەرێمى کوردستان".
وتیشى "تەرازووى پێداچوونەوەى مانگى کانوونى دووەمى 2025 کۆى خەرجییەکانى حکومەتى هەرێمى کوردستانى لەخۆگرتووە، هەروەها داهاتە نانەوتییەکانیشى تێدایە، بە داهاتە نانەوتییە فیدراڵییەکانەوە، کە 50%ـى رۆژى چوارشممە 12ـى شوبات نێردراوە کە بڕەکەى 51 ملیار و 895 ملیار دینار بووە و خراوەتەسەر هەژمارى دارایى عێراق".
ئەمە لەکاتێکدایە، بەغداد بۆ مووچەى مانگى کانوونى دووەمى ئەمساڵ بڕى 958 ملیار و 12 ملیۆن دینارى بۆ مووچەى مانگى یەکى هەرێمى کوردستان رەوانەکردووە.
وەڵام بدەوه