لە وەزارەتی دارایی عێراق دەست بە ڕێکارەکانی ناردنی مووچەی مانگی حەوت کراوە و بڕیارە ئەمڕۆ دووشەممە یەکەم گوژمەی پارە بنێردرێت. سێشەممەی ڕابردوو چەند پەرلەمانتارێک لەسەر زاری تەیف سامی، وەزیری دارایی عێراق ڕایانگەیاند ڕۆژی پێنجشەممە دەست بە ناردنی مووچە دەکرێت، بەڵام تاوەکو ئێستا هیچ بڕە پارەیەک نەنێردراوە.
شێروان دووبەردانی، ئەندامی پەرلەمانی عێراق بە ئاڤ گوت، "لە وەزارەتی دارایی بەدواداچوونم کردووە، لە بەشی ژمێرکاری دەست بە ڕێکارەکانی ناردنی مووچەی مانگی حەوتی فەرمانبەرانی مەدەنی کراوە". ئەمڕۆ یەکەم گوژمەی پارە دەخرێتە سەر هەژماری بانکی وەزارەتی دارایی و ئابووری هەرێمی کوردستان، چاوەڕێ دەکرێت تاوەکو کۆتایی ئەم هەفتەیە مووچەی سەرجەم فەرمانبەرانی مەدەنی بنێردرێت. لەگەڵ گەیشتنی پارە ڕاستەوخۆ لەلایەن وەزارەتی دارایی و ئابووری هەرێمی کوردستان لیستی مووچە ڕادەگەیێنرێت و دەست بە دابەشکردنی دەکرێت.
وەڵام بدەوه