لەسەر بنەمای ئەو رێككەوتنەی كە لەگەڵ حكوومەتی فیدراڵدا هاتووەتە ئاراوە، وەزیری دارایی و ئابووری رای گەیاند، لەگەڵ حكوومەتی فیدراڵدا لەسەر رادەستكردنی داهاتە نانەوتییەكان گەیشتووینەتە رێككەوتن بەپێی یاسادی بودجە و لەم پێناوەیشدا بۆ خۆگونجاندن لەگەڵ سیستمەكە، وەزارەت خوولێك بۆ فەرمانبەران دەكاتەوە.
وەزارەتی دارایی و ئابووری حكوومەتی هەرێمی كوردستان رای گەیاند، بەڕێوەبەرایەتی گشتی ژمێركاری وەزارەت خوولێك بۆ فەرمانگەكانی "تەمویل زاتی" لەسەر ئاستی وەزارەتەكان دەكاتەوە و بەپێویستیش زانراوە فەرمانگە پێوەندارەكان بە زووترین كات خۆیان لەگەڵ سیستمەكە بگونجێنن.
ئەمڕۆ سێشەم 21ی ئاداری 2024 لە راگەیەنراوێكی وەزارەتی داراییدا هاتووە، ئاواتی شێخ جەناب وەزیری دارایی لە كۆبوونەكەدا روونی كردووەتەوە، لەدەرئەنجامی ئەو ڕێکكەوتن و لێکتێگەیشتنانەی لەگەڵ حکوومەتی فیدراڵی هاتۆتە ئاراوە پێویستە بەزووترین کات ئەو فەرمانگانەی تمویل زاتین جیابکرێنەوە و هاوشێوەی عێراق کار بەسیستەمی ژمێریاری تایبەت بە تمویل زاتی بکەن.
وەزیری دارایی ئاماژەیشی دا، کە لەگەڵ حکوومەتی فیدراڵ لە سەر ڕادەستکردنی داهاتە نانەوتیەکان گەیشتوونەتە ڕێکكەوتن بەپێی یاسای بودجە و یاسای ئیدارەدانی دارایی و لەسەر بنەمای بڕیارەکانی دادگای فیدراڵی.
بەپێی راگەیەنراوەكە، خولی تەمویل زاتی لەلایەن سەنتەری پەرەپێدانی وەزارەتی دارایی و ئابووری بۆ فەرمانبەرانی ژمێریاریی و فەرمانگە و وەزارەتە پێوەندارەكان کراوەتەوە و بۆ ماوەی سێ ڕۆژ لە هەولێرو سلێمانی و دهۆک بەردەوام دەبێت.
وەڵام بدەوه