ڕوونکردنەوە لە وەزارەتی دراییەوە لەبارەی دابەشکردنی مووچەوە

وەزارەتی دارایی ئاشکرای دەکات، ئەمڕۆ مووچەی نیسان دابەش دەکرێت و جەختیش دەكاتەوە، تەمویلی مووچەی فەرمانبەرانی شارستانی و سەربازییش دێت.

ھونەر جەمال، گوتەبێژی وەزارەتی دارایی حکوومەتی ھەرێمی کوردستان، ڕاگەیاند: ”ئەمڕۆ 15ی ئایار مووچەی خانەنشینانی مەدەنی و سەربازی و کەسوکاری شەهیدان و ئەنفال و کەمئەندامان دەدرێت."

ئاماژەی بەوەش دا، دوای هاتنی تەمویلی دیکە، دابەشکردنی مووچەی هەموان بەردەوام دەبێ.

شەوی ڕابردوو، وەزارەتی دارایی لە راگەیاندراوێکدا بڵاوی کردەوە: "نزیکەی 168 ملیار دینار بە سێ گوژمە وەک شایستەی مووچەی مانگی نیسانی خانەنشینانی مەدەنی و سەربازی و کەسوکاری شەهیدان و ئەنفالکراوان و خاوەن پێداویستییە تایبەتەکانی هەرێمی کوردستان، لەلایەن وەزارەتی دارایی حکوومەتی فیدراڵەوە خرایە سەر هەژماری بانکیی وەزارەتی دارایی و ئابووریی هەرێمی کوردستان، لە لقی هەولێری بانکی ناوەندیی عێراق."

سەرچاوەیەکی ئاگادار لە وەزارەتی دارایی ڕاگەیاند: "چاوەڕێ دەکرێت ئەمڕۆ تەمویلی مووچەی فەرمانبەرانی شارستانییش بگات، دواتر تەمویلی مووچەی سەربازییش دەنێردرێت و لیستی مووچەش ڕادەگەیەندرێت."

هەر لەمبارەیەوە، محەمەد مەلا، بەڕێوەبەری بانکی حەمرین بە ڕاگەیاند: ئەمڕۆ لای ئێمە مووچەی خانەنشینان دابەش دەکرێت."