سەرۆكی فراكسیۆنی پارتی دیموكراتی كوردستان لە پەرلەمانی عێراق رای گەیاند، بەهۆی ئەو لێكتێگیشتنەی لە نێوان هەولێر و بەغدا هەیە، ئەم هەفتەیە مووچەی تەواوی مووچەخۆرانی كوردستان لە بەغداوە دەگاتە هەرێم.
ئەمڕۆ دووشەم 13ی ئایاری 2024، ڤیان سەبری سەرۆكی فراكسیۆنی پارتی دیموكراتی كوردستان لە پەرلەمانی عێراق لە لێدوانێكیدا رای گەیاند، بەهۆی ئەو لێكتێگەیشتنەی لە نێوان هەولێر و بەغدا هەیە، نابێت ئەم هەفتەیە تێپەڕ بكات و مووچەی فەرمانبەرانی هەرێمی كوردستان لە بەغداوە بێت.
ئەم قسانەی سەرۆكی فراكسیۆنی پارتی دیموكراتی كوردستان كردوویەتی، لەكاتێكدایە، هەفتەی رابردوو لە كۆنگرەیەكی رۆژنامەوانیدا گوتەبێژی حكوومەتی هەرێمی كوردستان لەبارەی ئاستەنگەكانی بەردەم مووچە رای گەیاند، هیچ ئاستەنگێك لەبەردەم ناردنی مووچە نەماوە و هیچ بیانوویەكیش لەبەردەم بەغدا نییە بۆ نەناردنی مووچەی مووچەخۆرانی هەرێم.
وەڵام بدەوه