دەست بە دابەشکردنی مووچەی مانگی یازدەی وانەبێژان دەکرێت

بەرپرسێكی گەنجینە ئاشكرای دەكات، چەكی پارە ئامادەیە و بڕیارە دەست بە خەرجکردنی مووچەی مانگی 11ی مامۆستایانی وانەبێژ دابەش بکرێت.

سیامەند ئیسماعیل، بەڕێوەبەری گەنجینەی ئیدارەی سۆران، بە ڕاگەیاند: "هەفتەی رابردوو دەستمان بە پێدانی چەكی پارەی وانەبێژان كردووە، ئەمڕۆش چەكی چەند پەروەردەیەك دەدرێتەوە ژمێریارەكان و هەمووی ئامادە دەبێت

ئاماژەی بەوەش دا: "بڕیاروایە لەم هەفتەیەدا پارەی مانگی 11ی وانەبێژانی پەروەردەکانی سنووری ئیدارەی سۆران دابەش بکرێت. لیستی پارەی وانەبێژان بۆ مانگی 11 لە وردبینییە و بەمنزیكانە چەك ئامادە دەبێت و دوای ئەوە پارەكە دابەش دەكرێت. ژمارەی مامۆستایانی وانەبێژ لە هەرێمی کوردستان 36 هەزار مامۆستان و مووچەی مانگانەیان لە 13 ملیار و 700 ملیۆن دینارە زیاترە.

 کارۆخ عەبدوڵا، نوێنەری گشتیی مامۆستایانی وانەبێژ، بە  ڕاگەیاند: "لە چەند پەروەردەیەك چەكی مووچەی مانگی 11ی وانەبێژان ئامادەیە و دەست بە دابەشكرنی پارە دەكرێت، ئەوانەیشی چەكیان ئامادە نەبێت، ئەوا دەكەوێتە هەفتەی داهاتوو.